جلال الطلباني وسوالفة

الكامل في الطلابانيات
منها ما هو قديم ومنها ماهو جديد


رجاءً اضف مالديك وشارك الأصدقاء




كاكا جلال صدر قرار جمهوري: اللي يفجر نفسه ينعدم




أقوال السيد الرئيس مام جلال: لو كانت الأبقار تطير لصعب حلبها




مرة السيد الحكيم سأل جلال طلباني كلة كاكه انتو ليش تسمون الولد انتي و البنية انته؟


كله مام جلال: لا علوية ماكو هيجي حجي




جلال طلباني جان نايم كلتله مرته كوم اكو صوت بالمطبخ, كاللها عوفيه ايفيدنا بالانتخابات




مرة مام جلال نايم هوة وزوجته بالسطح زوجته كلتله باردة كام سد باب السطح




فد يوم مام جلال عازم الحكومه كلها عالعشة خابرته مرته كالتله الحكلي حرامي نزل علينه.. كاللها مستحيل كلهم عازمهم يمي عل عشه




فديوم جلال طالباني راح زار امه بالمقبرة فكعد يبجي على كبرها ويقره قران وادعية ومن كمل تفّل على كبر امه, الحرس الواكف ساله كله ليش سيدي تفلت؟ كله مو هيه كلتلي اتفل عليه اذا صار براسك خير




سألوا مام جلال: أين يكثر التمر في العراق؟ گـال: في الكليجة




أمريكا عرضت على جلال الطالباني انو راح يسوون الكهرباء دفن تحت الارض...


رفض جلال انتو مو اصدقاء بيئة هزا خطية عسفور وين يكعد




مره جلال طالباني مشترك بمن سيربح المليون فساله جورج قرداحي كله 1 +1 كله والله كاكا ما اعرف هايه بيهه لوفة احذف اجابتين حذف اثنين كله كاكا والله هم بيهه لوفه


اتصل بصديق، كله منو؟ كله مسعود برازاني!! اتصل بي وساله السؤال مسعود كال والله كاكا جلال ما اعرف السؤال بي لوفه كله جورج زين كاكا اسهلهه عليك اكثر: شيش كباب اربيل+شيش كباب اربيل اشكد يساوي


كله هاااااااااااااااااااااااا والله كاكا صاير نغل براسي هسه عرفت الجواب يطلع نص نفر




فد يوم المالكي كمش جلال الطلباني وكعد يفرة على محلات الموبايل!!!


فسألو كلولة ليش تفرة على محلات الموبايل؟ كللهم مو اريد اعربه




سألوا جلال الطلباني ياهو الاحسن الشمس لو القمر؟


كال القمر طبعا... سألواليش؟


كال لان القمريطلع بالليل ينور الظلمة بس الشمس تطلع الصبح اكو ضوة شنو فايدة




سألو جلال الطلباني كلولة أخر مكرمة للطلاب العراقيين؟


كللهم راح أوزع النتائج قبل الامتحانات




جلال الطلباني سئل الامريكان كاللهم شوكت تطلعون كالولة 1/1 كاللهم ليش مو كلكم سوه مرة وحدة. طلعوا اسبوعين ليكدام




جزء من سياستهم البيئية. أعلن جيش المهدي قرار بمنع التدخين،


جلال الطالباني اعلن للصحافة ولله قرار صائب اتخذوا لأن التدخين يؤذي الصدر




جلال الطالباني زار سامراء فواحد من حمايته شاف الملوية كاله هذا شنو سيدي؟ كاله هذا اكبر برغي بالعالم




قال الرئيس جلال طالباني: لا تخف من الموت بالسيف فان لم تمت بالسيف تموت بالشتاء




جلال الطالباني و عشرة كراد سووا مظاهرة ضد الامريكان.


واحد منهم لبسوا ملابس بوش وحرقوه




مرة جلال الطلباني سألو شنو اقدم حيوان؟


كال حمار الوحشي كللوله ليش؟ كال لانة اسود و ابيض




سالو مام جلال الثعلب يبيض لو يجيب؟


كللهم هذا حيال كلشي يسوي




مام جلال ضيع سويج سيارته، حمايته فتحوا السيارة بشيش مال تكة.


كللهم اريد الشيش حتى اسوي عليه نسختين




مرة سألوا جلال الطلباني كللوله أذا طلعوا الامريكان شيصير؟


كال يصير أزدحام عالحدود




مرة كللوله للطلباني ليش الخيار أخضر وطويل؟


كللهم هذا هم سوال لأن أذا أحمر ومدور يصير طماطة




مرة جلال الطلباني قرأ بالجريده مكتوب "اشهر السنة"


جان يكول لمسؤله الصحفي لعد وين اشهر الشيعة!!!




واخيرأ وصية مام جلال الطلباني للاكراد: اذا وازك الدهر ازرع تماته وازرع بسفه خيار واشبع زلاته